Хорватиялик ярим ҳимоячи Лука Модричдан майдондаги рақибларидан қай бирини энг кўп ҳурмат қилиши ҳақида сўрашди.
«Менга энг кўп муаммо туғдирган рақиб? Андрес Иньестага қарши ўйнаш менга жуда ёқарди. Шу сабабли ҳеч иккиланишсиз унинг номини айтаман», — дея Лука Модричнинг сўзларидан иқтибос келтирмоқда pianetamilan.it.
Эслатиб ўтамиз, Модрич ҳам, Иньеста ҳам Испания чемпионатида тўп тепишган — биринчиси ўтмишда «Реал» шарафини ҳимоя қилган бўлса, иккинчиси Каталониянинг «Барселона» клуби аъзоси бўлган. Ҳозирда Лука «Милан» шарафини ҳимоя қилмоқда ва Хорватия терма жамоаси таркибида жаҳон чемпионатига тайёргарлик кўряпти.
