«Арсенал» ҳужумчиси Букайо Сака Лондон жамоасининг АПЛдаги чемпионлигини нишонлади.
«Қани, бошладик! 22 йил давомида улар устимиздан кулиб, ҳазиллар қилишди, энди эса кула олишмайди. Энди биз порлаймиз!» — деди Сака ижтимоий тармоқларда эълон қилинган видеода.
Сешанба куни, 19 май куни «Манчестер Сити» «Борнмут»ни мағлуб эта олмаганидан сўнг (1:1), «канонирлар» таъқибчилари учун мутлақо еттиб бўлмас даражага чиқишди. Чемпионат тугашига бир тур қолганда «Арсенал» ҳисобида 82 очко бор, иккинчи ўринда бораётган «Сити»да эса 78 очко мавжуд.
«Арсенал» ўз тарихида 14-бор Англия чемпионлигини қўлга киритди. Лондонликлар 2003/04 йилги мавсумдан бери илк бор АПЛ ғолибига айланишди — ўшанда «канонирлар» Арсен Венгер бошчилигида Премьер-лигада бирорта ҳам мағлубиятга учрамай чемпион бўлишган эди.
