«Астон Вилла» ярим ҳимоячиси Юри Тилеманс Европа лигаси финалида «Фрайбург» устидан қозонилган ғалабадан (3:0) сўнг ўз фикрлари билан ўртоқлашди. Ушбу учрашувда 29 ёшли бельгиялик футболчи гол уришга муваффақ бўлди.
«Астон Вилла» ўз имкониятлари даражасида юқори классдаги ўйин намойиш этди. Жамоамиз учун мавсум ажойиб ўтди ва уни бундай тарзда якунлаш — шунчаки ҳайратланарли. Бу мавсум кўплаб паст-баландликларга бой бўлди, аммо стартдан сўнг вазиятни қандай ўзгартира олганимиз ҳақиқатдан ҳам ажойиб бўлди. Футболчилар ва мураббийларга раҳмат айтаман. Биз меҳнат қилишда давом этдик, ўзимизга бўлган ишончни сақлаб қолдик ва ғалабага эришдик», — дея Тилеманснинг сўзларидан иқтибос келтиради УЕФА расмий сайти.
