«Астон Вилла» ҳужумчиси Олли Уоткинс Европа лигаси финалида «Фрайбург» устидан қозонилган ғалабадан (3:0) сўнг, бош мураббий Унаи Эмерининг ўйиндан олдин жамоага нималар дегани ҳақида гапириб берди.
«Бугун Европа лигаси финалига тайёргарлик кўриш жараёнида Эмери бутунлай хотиржамликни сақлаб қолди. Баъзида чемпионат ўйинларида ғалаба қозониш иштиёқида мураббий бироз ҳаяжонланган ва ҳаракатчан бўлиб қолади. Аммо бугун Унаи жуда вазмин эди ва менимча, унинг бу хотиржамлиги бизга ҳам кўчди», — дея Уоткинснинг сўзларидан иқтибос келтиради УЕФА расмий сайти.
