Федерико Вальверде бошидан олган жароҳатидан сўнг «Реал» билан машғулотларга киришди.

Эслатиб ўтамиз, аввалроқ Мадрид клуби ярим ҳимоячиси 7 май кунги машғулотда Орельен Тчуамени билан муштлашиб кетгани ва бунинг натижасида уругвайлик футболчи шифохонага юборилгани ҳақида хабар берилган эди — унда бош мия шикастланиши аниқланиб, чок қўйиш талаб этилганди. Жамоадошлар ўртасидаги низо бундан бир кун аввалроқ бошланган эди.

Клуб ҳар икки футболчини 500 минг евродан жаримага тортди.

Чоршанба куни Вальверде ушбу воқеадан кейин илк бор жамоа билан тўлиқ машғулот ўтказди. У бутунлай соғайиб кетди ва Ла Лиганинг 38-туридан ўрин олган, 23 май куни бўлиб ўтадиган «Атлетик»ка қарши учрашувда иштирок этиши мумкин.