«Барселона» ярим ҳимоячиси Френки де Йонг жамоанинг шу ёзда амалга ошириши мумкин бўлган трансферлари ҳақида гапирди.

«Агар «Барселона» бирор футболчини сотиб олса, у албатта топ-даражада бўлиши керак. Тўғрисини айтсам, тўртта ўртамиёна футболчи келгандан кўра, битта топ-ижрочи келишини афзал кўраман», — дея де Йонгнинг сўзларини келтирмоқда The Touchline нашри.

Миш-мишларга ишонадиган бўлсак, «Барселона» ёзги трансфер ойнасида ҳужумчи ва марказий ҳимоячи сотиб олишни режалаштирмоқда.

Жорий мавсумда Френки де Йонг барча турнирларда 37 та учрашувда майдонга тушиб, 1 та гол урди ва 8 та голли узатмага муаллифлик қилди. Эслатиб ўтамиз, «Барселона» Ла Лиганинг жорий мавсумида муддатидан олдин чемпионликни қўлга киритди. Жамоа ушбу турнирда кетма-кет иккинчи бор зафар қучди.