Лондоннинг «Арсенал» клуби ёзги трансфер ойнасида таркибини жиддий тарзда кучайтириб олиши мумкин.
Клуб раҳбарияти янги марказий ҳужумчи, вингер, марказий ярим ҳимоячи ва ўнг қанот ҳимоячисини сотиб олишни режалаштирмоқда, дея хабар бермоқда журналист Сэм Дин. Мадриднинг «Атлетико» клубига тегишли бўлган қимматбаҳо ҳужумчи Хулиан Альварес «канонирлар»нинг устувор трансфер нишони ҳисобланади.
Эслатиб ўтамиз, яқиндагина «Арсенал» муддатидан олдин Англия чемпионига айланди — бу жамоа учун сўнгги 22 йил ичидаги илк Премьер-лига титули бўлди. 30 май куни эса Микель Артета жамоаси ўз тарихида илк бор Чемпионлар лигасида ғолиб чиқиши мумкин — финалда улар турнирнинг амалдаги ғолиби «ПСЖ»га қарши майдонга тушишади.
