Мадриднинг «Реал» клуби «Манчестер Юнайтед» қанот ҳимоячиси Диогу Далотни ўз сафига қўшиб олмоқчи. Португалиялик футболчининг трансферига «қаймоқранглилар»нинг бўлажак бош мураббийи Жозе Моуриньjнинг шахсан ўзи қизиқиш билдирмоқда, бу ҳақда аллақачон бир қанча манбалар хабар тарқатишди.
Diario Sport нашрининг маълумотларига кўра, мураббий Даниэль Карвахаль кетганидан сўнг, Далотни Трент Александер-Арнольдга рақобатчи сифатида кўрмоқда.
«Қизил иблислар» ўз футболчиси бўйича келадиган таклифларни кўриб чиқишга тайёр — улар Далот учун тахминан 30 миллион евро талаб қилишади. Агар манбага ишонадиган бўлсак, Диогу Далотнинг ўзи ҳам ушбу трансферга қарши эмас. Transfermarkt портали экспертлари 27 ёшли футболчининг қийматини айнан 30 миллион еврога баҳолашмоқда.
