Madridning «Real» klubi «Manchester Yunayted» qanot himoyachisi Diogu Dalotni o‘z safiga qo‘shib olmoqchi. Portugaliyalik futbolchining transferiga «qaymoqranglilar»ning bo‘lajak bosh murabbiyi Joze Mourinjning shaxsan o‘zi qiziqish bildirmoqda, bu haqda allaqachon bir qancha manbalar xabar tarqatishdi.
Diario Sport nashrining ma’lumotlariga ko‘ra, murabbiy Daniel Karvaxal ketganidan so‘ng, Dalotni Trent Aleksander-Arnoldga raqobatchi sifatida ko‘rmoqda.
«Qizil iblislar» o‘z futbolchisi bo‘yicha keladigan takliflarni ko‘rib chiqishga tayyor — ular Dalot uchun taxminan 30 million yevro talab qilishadi. Agar manbaga ishonadigan bo‘lsak, Diogu Dalotning o‘zi ham ushbu transferga qarshi emas. Transfermarkt portali ekspertlari 27 yoshli futbolchining qiymatini aynan 30 million yevroga baholashmoqda.
