Бразилия терма жамоаси ва Каталониянинг «Барселона» клуби ҳужумкор ярим ҳимоячиси Рафинья жамоадоши Ламин Ямаль ҳақида фикр билдирди.
«Ламин шимини озгина кўтариб юриши керак. У кўчада худди шими йўқдек юради. Шунга озгина эътибор қаратсин», — деди бразилиялик футболчи «TNT Sports» нашрига берган интервьюсида жилмайиб.
Испания чемпионатининг жорий мавсумида 18 ёшли Ямаль 28 та ўйинда майдонга тушиб, ўз ҳисобига 16 та гол ва 11 та голли узатмани ёздириб қўйди. Ламиннинг трансфер қиймати 200 миллион еврога баҳоланмоқда. Футболчининг «кўк-анорранглилар» билан амалдаги шартномаси 2031 йил июнь ойи охирида якунига етади.
