Ҳужумчи Рафинья 2022 йилда «Барселона»га ўтган даврини ёдга олди.
«Ўшанда менда кўк рангли Лондон клуби ва қизил рангли Лондон клубидан таклифлар бор эди. Аммо фаолиятимдаги энг тўғри қарор «Барселона» билан шартнома имзолаш бўлган», — дея Рафиньянинг сўзларидан иқтибос келтирмоқда Фабрицио Романо.
Рафинья 2022 йилда «Лидс»дан «Барселона»га 58 миллион евро эвазига ўтган эди. Унинг каталонияликлар билан шартномаси 2028 йил 30 июнгача мўлжалланган.
Жорий мавсумда ҳужумчи «кўк-анорранглилар» сафида барча турнирларда 33 та ўйин ўтказиб, 21 та гол урди ва саккизта голли узатмани амалга оширди. Transfermarkt портали Рафиньянинг қийматини 80 миллион еврога баҳоламоқда.
