«Астон Вилла» ҳужумчиси Тэмми Абрахам еврокубокларда ноёб натижани такрорлади.

Истанбулда бўлиб ўтган финалда инглиз клуби «Фрайбург»ни йирик ҳисобда (3:0) мағлуб этиб, Европа Лигаси ғолибига айланди.

Шу тариқа, Абрахам барча учта асосий Европа турнирида ғолиб чиқди: Чемпионлар Лигаси («Челси» билан 2020/21 йилги мавсумда), Конференциялар Лигаси («Рома» билан 2021/22 йилги мавсумда) ва Европа Лигаси (2025/26 йилги мавсумда).

Унгача бу натижага фақат «Рома», «Челси», «Вест Хэм» ва бошқа клубларнинг собиқ ҳимоячиси, ҳозирда «Марсель»да тўп сураётган Эмерсон эришган эди.

«Кўклар» тарбияланувчиси бўлган Абрахам 2026 йил январидан бери «Астон Вилла»да ўйнаб келмоқда. Бунгача у мазкур клубда «Челси»дан ижара асосида тўп сурган эди.