«Челси» дарвозабони Роберт Санчес испаниялик мутахассис Хаби Алонсонинг жамоа бош мураббийи этиб тайинлангани ҳақида ўз фикрларини айтди. Мутахассис ўз ишини 2026 йил 1 июлдан бошлайди.
«Мен ҳам бошқа йигитлар қатори жуда хурсандман. Алонсо билан жамоада барқарорликка эришамиз. У ажойиб футбол ўйнатадиган кучли мураббий.
Тўғрисини айтсам, биз ҳозир бор эътиборимизни жорий мавсум доирасидаги машғулотларга ва кейинги ўйинда яна уч очко олишга қаратамиз, лекин келаси мавсумда у билан бирга ишлашни интиқлик билан кутяпмиз.
Албатта, мен у билан шахсан таниш эмасман, лекин футбол нуқтаи назаридан кўрганларим ҳамда у ва унинг штаби ҳақида эшитганларимга асосланиб айта оламанки, улар ажойиб инсонлар ва ўз ишининг усталари. Шундай экан, биз жуда мамнунмиз ва кейинги мавсум бошланишини интиқлик билан кутамиз», — дея Санчеснинг сўзларини келтирмоқда «Челси» расмий сайти.
