«Chelsi» darvozaboni Robert Sanches ispaniyalik mutaxassis Xabi Alonsoning jamoa bosh murabbiyi etib tayinlangani haqida o‘z fikrlarini aytdi. Mutaxassis o‘z ishini 2026 yil 1 iyuldan boshlaydi.
«Men ham boshqa yigitlar qatori juda xursandman. Alonso bilan jamoada barqarorlikka erishamiz. U ajoyib futbol o‘ynatadigan kuchli murabbiy.
To‘g‘risini aytsam, biz hozir bor e’tiborimizni joriy mavsum doirasidagi mashg‘ulotlarga va keyingi o‘yinda yana uch ochko olishga qaratamiz, lekin kelasi mavsumda u bilan birga ishlashni intiqlik bilan kutyapmiz.
Albatta, men u bilan shaxsan tanish emasman, lekin futbol nuqtai nazaridan ko‘rganlarim hamda u va uning shtabi haqida eshitganlarimga asoslanib ayta olamanki, ular ajoyib insonlar va o‘z ishining ustalari. Shunday ekan, biz juda mamnunmiz va keyingi mavsum boshlanishini intiqlik bilan kutamiz», — deya Sanchesning so‘zlarini keltirmoqda «Chelsi» rasmiy sayti.
