Португалия терма жамоаси бош мураббийи Роберто Мартинес нумерологияга (рақамлар сеҳрига) ишонишини маълум қилди.
«Мен нумерологияга ишонаман. Менимча, 6 рақами бизга омад келтириши мумкин. 2016 йилда Португалия Европа чемпионатида ғолиб чиққан эди, 1966 йилда терма жамоа Жаҳон чемпионатлари тарихидаги энг яхши натижасини қайд этган (учинчи ўрин), 2006 йилда эса ярим финалгача етиб боргандик… Португалия тўлақонли лойиқ бўлган натижага эришиш вақти келди», — деди Мартинес «RTP» телеканалига берган интервьюсида.
Эслатиб ўтамиз, Португалия терма жамоаси сардори Криштиану Роналду учун бўлажак Жаҳон чемпионати фаолиятидаги олтинчиси бўлади.
