АҚШ терма жамоаси ҳимоячиси Крис Ричардс миллий терма жамоанинг 2026 йилги Жаҳон чемпионатидаги ғалаба қозониш имкониятларини баҳолади.

— АҚШнинг Жаҳон чемпионатида ғолиб чиқиши қанчалик ҳақиқатга яқин деб ўйлайсиз?

— Нима учун йўқ? Менинг фикримча, мен қатнашадиган ҳар бир ўйинда, ҳар бир турнирдаги мақсадим — ғалаба қозониш. Қолаверса, биз ўз уйимизда ўйнаймиз… Мезбонлик устунлиги бор. Америка — ишонувчи ва умид қилувчи инсонларга тўла мамлакат, шундай экан, нега биз Жаҳон чемпионатида ғолиб чиқа олмас эканмиз? — дея Ричардснинг сўзларини келтиради ФИФА расмий сайти.

2026 йилги Жаҳон чемпионати АҚШ, Канада ва Мексикада бўлиб ўтади. АҚШ терма жамоаси "D" гуруҳида Парагвай, Австралия ва Туркия миллий терма жамоаларига қарши баҳс олиб боради.