«Барселона» шу ёзда янги ҳужумчи сотиб олишни режалаштирмоқда. Бу ҳақда ElNacional.cat нашри хабар берди.

Манба берган маълумотларга кўра, «кўк-анорранглилар» «Арсенал» форварди Виктор Дьекерешга бўлган қизиқишини қайта тиклаган. Аввалроқ Каталония клуби швециялик футболчига қизиқиш билдирган, бироқ кейинчалик уни сотиб олиш фикридан қайтган эди.

Жорий мавсумда Дьекереш «Арсенал» сафида барча турнирларда 53 та ўйинда майдонга тушиб, 21 та гол урди ва 3 та голли узатмани амалга оширди. Унинг «канонирлар» билан шартномаси 2030 йилнинг ёзигача мўлжалланган.