"Реал Мадрид" президенти лавозими учун асосий эҳтимолий рақобатчилардан бири саналган Энрике Рикельме клубни катта ўзгаришлар кутаётганини маълум қилди.
El Confidencial хабарига кўра, 37 ёшли испаниялик бизнесмен “Реал”ни яна энг юқори даражага қайтариш учун икки йирик режани тайёрлаган. У Юрген Клоппни бош мураббий, Эрлинг Холандни эса жамоанинг янги етакчи юлдузи сифатида кўрмоқда.
Манбага кўра, Рикельме атрофидаги вакиллар аллақачон "Манчестер Сити" ҳужумчиси Холанднинг Мадридга кўчиб ўтиш эҳтимолини ўрганиш мақсадида унинг атрофидагилар билан алоқага чиққан. Норвегиялик футболчининг англияликлар билан амалдаги шартномаси 2034 йилгача мўлжалланган.
Шунингдек, Рикельме клуб рулда айнан Клоппни кўришни истамоқда. Қайд этилишича, Жозе Моуринью унинг лойиҳасида вариант сифатида кўрилмаяпти.
Хабарда айтилишича, испаниялик тадбиркор ҳозирда Red Bull футбол йўналиши глобал директори сифатида ишлаётган Клоппнинг агентлари билан бир неча марта учрашув ўтказиб, немис мутахассисини “Реал”ни бошқаришга кўндиришга ҳаракат қилган.













