«ПСЖ» ҳужумчиси Усмон Дембеле Лондоннинг «Арсенал» клуби ҳақидаги фикрлари билан ўртоқлашди.
Парижликлар 30 май куни бўлиб ўтадиган Чемпионлар лигаси финалида айнан «тўпчилар»га қарши майдонга тушишади.
«Финалда ҳар қандай нарса содир бўлиши мумкин. Менимча, «Арсенал» ҳаққоний равишда Англия чемпионига айланди. Уларда жуда шаклланган жамоа бор — футболчилар тўрт-беш йилдан бери бирга тўп суришмоқда. Охирги йилларда улар доимий равишда чўққига яқин келишаётганди.
«Арсенал» ҳимояда ҳам, ҳужумда ҳам жуда кучли, стандарт вазиятларида эса ундан ҳам хавфлироқ. Биз рақибга ўта жиддий ёндашишимиз шарт», — дея «RMC Sport» Дембеленинг сўзларидан иқтибос келтирмоқда.
Эслатиб ўтамиз, ҳал қилувчи финал учрашуви Будапешт шаҳрида бўлиб ўтади. Ўйин Тошкент вақти билан соат 21:00 да бошланиши режалаштирилган.
