«PSJ» hujumchisi Usmon Dembele Londonning «Arsenal» klubi haqidagi fikrlari bilan o‘rtoqlashdi.

Parijliklar 30 may kuni bo‘lib o‘tadigan Chempionlar ligasi finalida aynan «to‘pchilar»ga qarshi maydonga tushishadi.

«Finalda har qanday narsa sodir bo‘lishi mumkin. Menimcha, «Arsenal» haqqoniy ravishda Angliya chempioniga aylandi. Ularda juda shakllangan jamoa bor — futbolchilar to‘rt-besh yildan beri birga to‘p surishmoqda. Oxirgi yillarda ular doimiy ravishda cho‘qqiga yaqin kelishayotgandi.

«Arsenal» himoyada ham, hujumda ham juda kuchli, standart vaziyatlarida esa undan ham xavfliroq. Biz raqibga o‘ta jiddiy yondashishimiz shart», — deya «RMC Sport» Dembelening so‘zlaridan iqtibos keltirmoqda.

Eslatib o‘tamiz, hal qiluvchi final uchrashuvi Budapesht shahrida bo‘lib o‘tadi. O‘yin Toshkent vaqti bilan soat 21:00 da boshlanishi rejalashtirilgan.