«Ан-Наср» бош мураббийи Жорже Жезуш қўлга киритилган чемпионликдан сўнг Криштиану Роналду ҳақида ўз фикрларини билдириб ўтди.
Португалиялик форвард «Дамак»ка қарши кечган баҳсда (4:1) дубль қайд этиб, жамоасига ғалаба ва у билан бирга чемпионлик унвонини тақдим этди. 41 ёшли футболчи учрашувнинг 80-дақиқасида ўзининг иккинчи голини урганидан сўнг кўз ёшларини тия олмади.
«Роналдунинг кўз ёшлари? Унинг футболга бўлган иштиёқи беқиёс. Мен унга шундай дегандим: «Мен бу ерга фақат сен туфайли келдим. Титулни қўлга киритамиз — ва мен ғолиб сифатида кетаман». Аллақачон ҳаммаси биз ўйлагандек бўлди.
Бундан кейин ҳали ўзимизга келиб, батафсил гаплашишга имкониятимиз бўлмади. У ҳам худди мен каби бутунлай чарчаган ва ҳолдан тойган. Энди мен Португалияга йўл оламан, у эса терма жамоа ихтиёрига жўнаб кетади», — дея «Al Nassr Zone» Жезушнинг сўзларидан иқтибос келтирмоқда.
Маълумот ўрнида, ушбу зафар Криштиану Роналду учун Саудия Арабистони чемпионатидаги илк чемпионлик ҳисобланади.
