«ПСЖ» бош мураббийи Луис Энрике ҳамкасби Хосеп Гвардиоланинг «Манчестер Сити»даги фаолиятини якунлаётгани ва инглиз клубини тарк этаётгани ҳақидаги хабарларга ўз муносабатини билдириб ўтди.
«Тўғрисини айтсам, бунга ҳеч ишонгим келмаяпти. Пепнинг «Манчестер Сити»дан кетиши нафақат инглиз футболи, балки бутун Европа футболи учун улкан йўқотишдир. У охирги ўн йил ичида АПЛда шундай бир даврни яратдики, уни такрорлаш кимгадир насиб қилиши жуда қийин. Мен ҳали ҳам бу шунчаки миш-миш бўлиб чиқишини ва у ўз қарорини ўзгартиришини истардим», — дея Энрикенинг сўзларини келтиради матбуот хизмати.
Эслатиб ўтамиз, аввалроқ Пеп Гвардиола 2025/2026 йилги мавсум якунланганидан сўнг «шаҳарликлар» лагерини тарк этиши маълум бўлган эди.
