«Реал» клуби ярим ҳимоячиси Эдуардо Камавинга Туркиянинг гранд клуби эътиборини тортди.
Таниқли туркиялик журналист Яғиз Сабунжуўғлининг берган маълумотларига кўра, «Галатасарой» клуби «Реал» ярим ҳимоячисининг эҳтимолий трансфер шартлари бўйича маълумот сўраган. Мадридликлар ушбу футболчининг трансфери учун 80 миллион евро талаб қилишмоқда.
Камавинганинг «Реал» билан амалдаги шартномаси 2029 йилнинг июнь ойига қадар мўлжалланган. Ла Лиганинг жорий мавсумида франциялик футболчи 29 та учрашувда майдонга тушиб, ўз ҳисобига 1 та гол ёздириб қўйишга муваффақ бўлди.
