Париж шаҳри Франция Кубоги финал учрашуви олдидан жиддий тартибсизликлар марказида қолди. Бугун, 22 май куни турнирнинг бош матчида «Ланс» ва «Ницца» жамоалари ўзаро тўқнашадилар.

Полиция берган маълумотларга кўра, ўйинга бир кун қолганда пойтахт кўчаларида «Ницца» клубининг юзга яқин ашаддий ишқибозларидан иборат гуруҳ тўпланган ва улар мақсадли равишда тўқнашув қидиришган. Юзага келган келишмовчиликлар тез фурсатда йирик кўча тўқнашувларига айланиб кетган.

Гувоҳлар ва маҳаллий ОАВнинг хабар беришича, шаҳарда мушталашувлар, барлардаги погромлар ва кўчаларда оммавий тартибсизликлар кузатилган. Париж полицияси аллақачон 65 нафар шахс қўлга олингани ҳақида ҳисобот берди.

Эслатиб ўтамиз, «Ланс» мамлакат вице-чемпионига айланган бўлса, «Ницца» мавсумни 16-ўринда якунлади ва эндиликда кучлилар сафида қолиш учун ўтиш ўйинида иштирок этади. Ушбу жамоалар ўртасидаги кубок финали Тошкент вақти билан соат 00:00 да старт олади.