Лондоннинг «Тоттенхэм» клуби собиқ ҳужумчиси Роман Павлюченко жамоанинг омадсиз мавсумига изоҳ берди. «Шпорлар» АПЛда 17-ўринда боришмоқда ва элитани тарк этиш хавфи остида турибди.
«Менимча, гап футболчиларнинг савиясида. Улар ўйнаяпти-ку. Савол жамоа қандай шакллантирилганида. Ҳозир асосийси — жамоа лигада қолиши керак. Улар қолишига ишончим комил. Футболчиларнинг 90 фоизини ҳайдаб юборишса керак (кулади). Шунга қарамай, клуб таркибни янгидан шакллантириш ва муносиб футболчиларни сотиб олишга қурби етади. Шундай бўлади ҳам. Ҳамма «Тоттенхэм» совринли ўринлар учун курашишига ўрганиб қолган. Келаси мавсум тамоман бошқача бўлади», — деди Павлюченко.
