Londonning «Tottenxem» klubi sobiq hujumchisi Roman Pavlyuchenko jamoaning omadsiz mavsumiga izoh berdi. «Shporlar» APLda 17-o‘rinda borishmoqda va elitani tark etish xavfi ostida turibdi.
«Menimcha, gap futbolchilarning saviyasida. Ular o‘ynayapti-ku. Savol jamoa qanday shakllantirilganida. Hozir asosiysi — jamoa ligada qolishi kerak. Ular qolishiga ishonchim komil. Futbolchilarning 90 foizini haydab yuborishsa kerak (kuladi). Shunga qaramay, klub tarkibni yangidan shakllantirish va munosib futbolchilarni sotib olishga qurbi yetadi. Shunday bo‘ladi ham. Hamma «Tottenxem» sovrinli o‘rinlar uchun kurashishiga o‘rganib qolgan. Kelasi mavsum tamoman boshqacha bo‘ladi», — dedi Pavlyuchenko.
