Мадриднинг «Реал» клуби собиқ футболчиси Тони Кроос ўнг қанот ҳимоячиси Даниэль Карвахаль клубни тарк этиши муносабати билан ўз фикрларини билдирди. Шанба куни «Атлетик» Бильбаога қарши кечадиган ўйин 34 ёшли сардор учун хайрлашув учрашуви бўлади — у «қироллик клуби»ни эркин агент сифатида тарк этмоқда.

«Энг буюклардан бири, бизнинг одамимиз жамоани тарк этмоқда. У ҳар доим ўз хатти-ҳаракатлари билан ўрнак бўлган ва «Реал»ни исталган вазиятда ҳимоя қилган инсон эди. Эртанги ўйинда унга муносиб хайрлашув уюштиринг! У ҳам мен икки йил олдин ҳис қилган туйғуларни ҳис қилсин. Сенинг ёнингда тўп суриш шараф эди, Дани, барчаси учун раҳмат!» — дея Крооснинг сўзларидан иқтибос келтиради Madrid Universal.

Ла Лиганинг сўнгги тур учрашуви Тошкент вақти билан 00:00 да бошланади.