Madridning «Real» klubi sobiq futbolchisi Toni Kroos o‘ng qanot himoyachisi Daniel Karvaxal klubni tark etishi munosabati bilan o‘z fikrlarini bildirdi. Shanba kuni «Atletik» Bilbaoga qarshi kechadigan o‘yin 34 yoshli sardor uchun xayrlashuv uchrashuvi bo‘ladi — u «qirollik klubi»ni erkin agent sifatida tark etmoqda.
«Eng buyuklardan biri, bizning odamimiz jamoani tark etmoqda. U har doim o‘z xatti-harakatlari bilan o‘rnak bo‘lgan va «Real»ni istalgan vaziyatda himoya qilgan inson edi. Ertangi o‘yinda unga munosib xayrlashuv uyushtiring! U ham men ikki yil oldin his qilgan tuyg‘ularni his qilsin. Sening yoningda to‘p surish sharaf edi, Dani, barchasi uchun rahmat!» — deya Kroosning so‘zlaridan iqtibos keltiradi Madrid Universal.
La Liganing so‘nggi tur uchrashuvi Toshkent vaqti bilan 00:00 da boshlanadi.
