Лондоннинг «Челси» клуби марказий ҳимоячиси Леви Колвилл Европа грандлари эътиборини тортмоқда. 23 ёшли футболчининг хориж чемпионатига кетиши ҳақидаги хабарлар тобора кўпаймоқда. Вазиятни диққат билан кузатиб бораётган «Барселона» ва Мадриднинг «Реал» клублари асосий даъвогарлар сифатида тилга олинмоқда.
Marca берган маълумотларга кўра, Лондон клубида ишларнинг бундай тус олишидан жиддий хавотирдалар ва ўз тарбияланувчисини йўқотиб қўйишдан қўрқишмоқда. Transfermarkt баҳосига кўра, Леви Колвиллнинг нархи 50 млн еврони ташкил этади.
Футболчининг «Челси» билан амалдаги шартномаси 2029 йил ёзигача мўлжалланган. Жорий мавсумда инглиз футболчиси «кўклар» сафида бор-йўғи учта ўйин ўтказди. У яқиндагина оғир жароҳатдан соғайиб сафга қайтди.
