«Челси» ярим ҳимоячиси Энцо Фернандесга қизиқиш билдирган «Манчестер Сити» аниқ ҳаракатларга ўтди ва футболчи билан музокараларни бошлади. Sky Sports журналисти Флориан Плеттенбергнинг маълумотига кўра, ушбу келишувда «Сити»нинг бўлажак мураббийи Энцо Мареска асосий ролни ўйнамоқда.

Аргентиналик футболчи илгари «Челси»да Мареска билан бирга ишлаган ва у билан яхши муносабатларни сақлаб қолган. Фернандес италиялик мутахассис билан яна қайта бирлашишга қизиқиш билдираётганини таъкидлаган.

Жорий мавсумда Фернандес клуб миқёсидаги 53 та ўйинда 15 та гол урди ва 7 та голли узатмани амалга оширди. Transfermarkt талқинига кўра, унинг нархи 90 миллион еврони ташкил этади. Аввалроқ Фернандесга Мадриднинг «Реал» клуби томонидан қизиқиш бўлаётгани ҳақида хабар берилган эди.