«Chelsi» yarim himoyachisi Enso Fernandesga qiziqish bildirgan «Manchester Siti» aniq harakatlarga o‘tdi va futbolchi bilan muzokaralarni boshladi. Sky Sports jurnalisti Florian Plettenbergning ma’lumotiga ko‘ra, ushbu kelishuvda «Siti»ning bo‘lajak murabbiyi Enso Mareska asosiy rolni o‘ynamoqda.
Argentinalik futbolchi ilgari «Chelsi»da Mareska bilan birga ishlagan va u bilan yaxshi munosabatlarni saqlab qolgan. Fernandes italiyalik mutaxassis bilan yana qayta birlashishga qiziqish bildirayotganini ta’kidlagan.
Joriy mavsumda Fernandes klub miqyosidagi 53 ta o‘yinda 15 ta gol urdi va 7 ta golli uzatmani amalga oshirdi. Transfermarkt talqiniga ko‘ra, uning narxi 90 million yevroni tashkil etadi. Avvalroq Fernandesga Madridning «Real» klubi tomonidan qiziqish bo‘layotgani haqida xabar berilgan edi.
