«Бавария» бош мураббийи Венсан Компани Хосеп Гвардиоланинг «Манчестер Сити» бош мураббийлигидан кетиши борасида ўз фикрини билдирди.

«У билан бирга ишлаш мен учун совға бўлганди. Айнан у билан ўтказилган йиллар мени келажакда мураббий бўлишга ундаган», — дея Компанининг сўзларидан иқтибос келтиради Bayern&Germany.

Компани ва Гвардиола бельгиялик футболчи ҳали клубда тўп сураётган вақтда, 2016-2019 йилларда «Сити»да бирга бўлишган. 2020 йилда фаолиятини якунлагач, Компани мураббийлик фаолиятини бошлади: 2020-2022 йилларда «Андерлехт»ни, 2022-2024 йилларда «Бёрнли»ни бошқарган бўлса, 2024 йилдан бери «Бавария»да мураббийлик қилмоқда.

Пепнинг «Сити»дан кетиши ҳақида расман жума куни, 22 майда маълум бўлди.