«Бавария» бош мураббийи Венсан Компани Хосеп Гвардиоланинг «Манчестер Сити» бош мураббийи лавозимидан кетиши борасида ўз фикрларини билдирди.

«У билан бирга ишлаш мен учун ҳақиқий совға эди. Айнан у билан ўтказган йилларим мени келажакда мураббий бўлишга ундади», — дея Компанининг сўзларидан иқтибос келтиради Bayern&Germany.

Компани ва Гвардиола 2016-2019 йилларда бельгиялик футболчи «Сити»да тўп сурган пайтда бирга ишлаган. 2020 йилда футболчилик фаолиятини якунлагач, Компани мураббийлик йўлига ўтди: 2020-2022 йилларда «Андерлехт»ни, 2022-2024 йилларда «Бёрнли»ни бошқарди, 2024 йилдан буён эса «Бавария»да фаолият юритмоқда.

Эслатиб ўтамиз, Пеп Гвардиоланинг «Сити»дан кетиши ҳақида 22 май, жума куни расман маълум бўлган эди.