Португалиялик мутахассис Жозе Моуриньонинг Мадриднинг «Реал» клуби бош мураббийи этиб тайинланиши президентлик сайловлари натижалари эълон қилингунга қадар кечиктирилиши мумкин. Бу ҳақда Mundo Deportivo журналистлари хабар бермоқда.
Флорентино Переснинг рақиби сифатида тадбиркор Энрике Рикельме иштирок этиш ниятида. У ҳали расмий даъвогар ҳисобланмайди, чунки зарур ҳужжатларни тақдим этмаган. Ариза топширишнинг сўнгги муддати — шанба, 23 май.
Агар Рикельме президентлик пойгасига қўшилса, Моуриньюнинг тайинланиши ортга сурилади. Аввалроқ матбуотда «қироллик клуби» мураббийни 25 майга қадар тайинлаши мумкинлиги ҳақида маълумотлар тарқалган эди.
