Лондоннинг «Челси» клуби марказий ҳимоячиси Давид Луиснинг маълум қилишича, Испаниянинг «Барселона» жамоаси унга расмий таклиф билан чиққан, лекин футболчи Лондонда қолишни маъқул кўрган.
«Барселона» мени ўз таркибига қўшиб олиш учун ҳаракат қилди. Дани Алвес ва Неймар ҳам мени кўндирмоқчи бўлишди, лекин мен «Челси»да қолишни хоҳладим.
«Челси» менинг кетишимга қаршилик қилди деган гапларга ишонманг. «Барселона» менга расмий таклиф билан чиқди, лекин мен Лондонда қолдим. Бу менинг қарорим бўлди»,- дейди Луис.
Аввалроқ «Барселона»нинг Луис учун 25 миллион евро таклиф қилгани маълум қилинган эди.
