Mundo Deportivo нашри берган маълумотларга кўра, 30 ёшли футболчи ва «кўк-анорранглилар» ҳамкорликни яна икки мавсумга давом эттириш бўйича келишувга эришишди. Кристенсеннинг амалдаги шартномаси 30 июнга қадар амал қилади.
Бир неча ой давом этган музокаралардан сўнг, даниялик ҳимоячи ниҳоят «Барселона»нинг янги шартларини қабул қилди. Унга кўра, шартнома икки йилга узайтирилади ва футболчи аввалгисидан камроқ иш ҳақи оладиган бўлади.
Гарчи сўнгги икки мавсумда Кристенсен жароҳатлар туфайли жуда кам ўйин амалиётига эга бўлган бўлса-да, Ханси Флик унинг маҳорати, универсаллиги ва тажрибаси сабабли унга катта ишонч билдирмоқда.
