Mundo Deportivo nashri bergan ma’lumotlarga ko‘ra, 30 yoshli futbolchi va «ko‘k-anorranglilar» hamkorlikni yana ikki mavsumga davom ettirish bo‘yicha kelishuvga erishishdi. Kristensenning amaldagi shartnomasi 30 iyunga qadar amal qiladi.
Bir necha oy davom etgan muzokaralardan so‘ng, daniyalik himoyachi nihoyat «Barselona»ning yangi shartlarini qabul qildi. Unga ko‘ra, shartnoma ikki yilga uzaytiriladi va futbolchi avvalgisidan kamroq ish haqi oladigan bo‘ladi.
Garchi so‘nggi ikki mavsumda Kristensen jarohatlar tufayli juda kam o‘yin amaliyotiga ega bo‘lgan bo‘lsa-da, Xansi Flik uning mahorati, universalligi va tajribasi sababli unga katta ishonch bildirmoqda.
