«Ред Булл» пойгачиси ва «Формула-1» юлдузи Макс Ферстаппен бўлажак футбол бўйича Жаҳон чемпионатига бўлган муносабатини билдириб, Нидерландия терма жамоасининг имкониятларига баҳо берди.
De Telegraaf нашрига берган интервьюсида Ферстаппен имкон қадар кўпроқ ўйинларни томоша қилишга ҳаракат қилишини айтди. Нидерландия терма жамоасининг истиқболлари ҳақида тўхталар экан, у қуйидагича фикр билдирди:
«Терма жамоамизнинг имкониятларини баҳолаш қийин. Бунга жамоа таркибидаги баъзи ноаниқликлар ҳам сабабдир. Улар, албатта, мусобақанинг яққол фаворитлари эмас, лекин фаворит бўлишлари шарт ҳам эмас. Якунда кўпинча энг ёрқин юлдузларга эга бўлган эмас, балки энг яхши шаклланган жамоа ғолиб чиқади. Мен ҳар доим уларни қўллаб-қувватлайман ва ҳақиқий мухлис сифатида телевизор қаршисидан кетмайман», — деди Ферстаппен.
