«Red Bull» poygachisi va «Formula-1» yulduzi Maks Ferstappen bo‘lajak futbol bo‘yicha Jahon chempionatiga bo‘lgan munosabatini bildirib, Niderlandiya terma jamoasining imkoniyatlariga baho berdi.
De Telegraaf nashriga bergan intervyusida Ferstappen imkon qadar ko‘proq o‘yinlarni tomosha qilishga harakat qilishini aytdi. Niderlandiya terma jamoasining istiqbollari haqida to‘xtalar ekan, u quyidagicha fikr bildirdi:
«Terma jamoamizning imkoniyatlarini baholash qiyin. Bunga jamoa tarkibidagi ba’zi noaniqliklar ham sababdir. Ular, albatta, musobaqaning yaqqol favoritlari emas, lekin favorit bo‘lishlari shart ham emas. Yakunda ko‘pincha eng yorqin yulduzlarga ega bo‘lgan emas, balki eng yaxshi shakllangan jamoa g‘olib chiqadi. Men har doim ularni qo‘llab-quvvatlayman va haqiqiy muxlis sifatida televizor qarshisidan ketmayman», — dedi Ferstappen.
