Бугун, 23 май куни Германия Кубогининг финал учрашуви бўлиб ўтади. Унда «Бавария» ва «Штутгарт» жамоалари ўзаро тўқнаш келишади. Ўйин Берлиндаги «Олимпиаштадион» стадионида бўлиб ўтади. Учрашувни Свен Яблонски бошчилигидаги ҳакамлар бригадаси бошқариб боради. Ўйиннинг бошланиши — Тошкент вақти билан 23:00 да.

«Бавария»: Урбиг, Упамекано, Та, Киммих, Кейн, Мусиала, Диас, Олисе, Лаймер, Станишич, Павлович.

«Штутгарт»: Нюбель, Хендрикс, Штиллер, Миттельштедт, Демирович, Фюрих, Хакес, Левелинг, Хабот, Ундав, Андрес.

Мусобақанинг 1/2 финал босқичида Мюнхен клуби Леверкузеннинг «Байер» жамоаси устидан 2:0 ҳисобида ғалаба қозонган эди. «Штутгарт» эса ушбу босқичда «Фрайбург»ни қўшимча вақтларда мағлуб этди (2:1).

Таъкидлаш жоизки, «Штутгарт» Германия Кубогининг амалдаги соҳиби ҳисобланади. Клуб 2024/25 йилги мавсум финалида «Арминия»ни 4:2 ҳисобида мағлуб этиб, совринни қўлга киритган эди.