Ферран Торрес ва Ламин Ямаль Испания чемпионатида «Барселона» сафида энг кўп гол урган футболчиларга айланишди.

Иккала футболчи ҳам ўз ҳисобига 16 тадан гол ёздириб қўйди. Шунга қарамай, 26 ёшли Торрес бу натижага 33 та ўйинда эришган бўлса, 18 ёшли Ямалга бунинг учун 28 та учрашув кифоя қилди.

Тўпурарлар рўйхатида учинчи ўринни 37 ёшли Роберт Левандовски эгаллади — унинг ҳисобида 14 та гол бор.

Охирги марта «Барселона»нинг энг яхши тўпурари чемпионатда 17 тадан кам гол урган мавсум 2021/22 йилги йилларга тўғри келган эди — ўшанда Мемфис Депай 12 та гол билан мавсумни якунлаган.