Ferran Torres va Lamin Yamal Ispaniya chempionatida «Barselona» safida eng ko‘p gol urgan futbolchilarga aylanishdi.

Ikkala futbolchi ham o‘z hisobiga 16 tadan gol yozdirib qo‘ydi. Shunga qaramay, 26 yoshli Torres bu natijaga 33 ta o‘yinda erishgan bo‘lsa, 18 yoshli Yamalga buning uchun 28 ta uchrashuv kifoya qildi.

To‘purarlar ro‘yxatida uchinchi o‘rinni 37 yoshli Robert Levandovski egalladi — uning hisobida 14 ta gol bor.

Oxirgi marta «Barselona»ning eng yaxshi to‘purari chempionatda 17 tadan kam gol urgan mavsum 2021/22 yilgi yillarga to‘g‘ri kelgan edi — o‘shanda Memfis Depay 12 ta gol bilan mavsumni yakunlagan.