Роберто Манчини Италияга қайтди ва у ерда жамоатчилик тадбирларидан бири — Circolo Canottieri Aniene’да кўриниш берди. Журналистлар ундан терма жамоа бошқарувига қайтишни жуда хоҳлаётгани ҳақидаги сўнгги миш-мишларга изоҳ беришини сўрашди. Аммо Манчини бу саволга жавоб беришга тайёр эмаслигини билдириб, уни эътиборсиз қолдиришни маъқул кўрди.
«Италия? Чет элда бўлганингда Италияни доим соғинасан. Терма жамоа? Кейинги саволни беринг, мен бу ерга терма жамоа ҳақида гапириш учун келганим йўқ», — дея Манчинининг сўзларини derbyderbyderby.it нашри келтиради.
Эслатиб ўтамиз, Манчини қўл остида Италия терма жамоаси 2021 йилда Европа чемпиони бўлган эди.
