Миланнинг «Интер» клуби марказий ҳимоячиси Янн-Аурель Биссекк Германия терма жамоасининг Жаҳон чемпионати учун қайдномасидан жой олмади. 25 ёшли футболчи якунланган мавсумда «нерадзуррилар» сафида 36 та ўйинда майдонга тушди, бироқ Германия миллий жамоаси бош мураббийи Юлиан Нагельсманнда етарлича таассурот қолдира олмади.
«Мен қўлимдан келган барча ишни қилдим, лекин ҳаётда ҳамма нарса ҳам сен хоҳлагандек бўлавермайди. Ўтказган мавсумим билан фахрланаман. Германия Жаҳон чемпионатида яхши иштирок этади деб умид қиламан. Евро-2028 таркибига кириш учун ҳаракат қиламан», — деди Биссекк DAZN нашрига берган интервьюсида.
«Интер» А серия ва Италия Кубогида ғолиб чиқди. Чемпионатнинг сўнгги турида Кристиан Киву жамоаси «Болонья» билан дуранг ўйнади (3:3).
