Milanning «Inter» klubi markaziy himoyachisi Yann-Aurel Bissekk Germaniya terma jamoasining Jahon chempionati uchun qaydnomasidan joy olmadi. 25 yoshli futbolchi yakunlangan mavsumda «neradzurrilar» safida 36 ta o‘yinda maydonga tushdi, biroq Germaniya milliy jamoasi bosh murabbiyi Yulian Nagelsmannda yetarlicha taassurot qoldira olmadi.
«Men qo‘limdan kelgan barcha ishni qildim, lekin hayotda hamma narsa ham sen xohlagandek bo‘lavermaydi. O‘tkazgan mavsumim bilan faxrlanaman. Germaniya Jahon chempionatida yaxshi ishtirok etadi deb umid qilaman. Yevro-2028 tarkibiga kirish uchun harakat qilaman», — dedi Bissekk DAZN nashriga bergan intervyusida.
«Inter» A seriya va Italiya Kubogida g‘olib chiqdi. Chempionatning so‘nggi turida Kristian Kivu jamoasi «Bolonya» bilan durang o‘ynadi (3:3).
