Лаутаро Мартинесга Италия А Сериясида мавсумнинг энг яхши тўпурари номини яна бир бор ўзида сақлаб қолиши учун атиги ўн еттита гол кифоя қилди. Бу А Серия тўпурари бир мавсумда 20 тадан кам гол урган жуда камёб ҳолатлардан биридир.

Охирги марта бундай ҳолат 1990/1991 йилги мавсумда кузатилган эди — ўшанда «Сампдория» аъзоси Жанлука Виалли ўн тўққизта гол урган, генуяликлар эса ўз тарихидаги ягона чемпионликни қўлга киритишганди. Бироқ ўша пайтда олий лигада 18 та жамоа бўлган, яъни ҳар бир клуб мавсумда 34 тадан ўйин ўтказган.

Бундан бироз аввалроқ, 1987/1988 йилги мавсумда Диего Марадона 15 та гол билан энг яхши тўпурар бўлганди. Аммо ўшанда чемпионат ўйинлари сони янада камроқ — бир мавсумда 30 тани ташкил этган.