«Манчестер Сити» якшанба куни Премьер-лиганинг сўнгги тури доирасида «Астон Вилла»га қарши майдонга тушмоқда. Ушбу ўйинда «шаҳарликлар» Хосеп Гвардиола, Жон Стоунс ва Бернарду Силва билан хайрлашмоқда – бош мураббий ва икки футболчи клубни тарк этмоқда.
Майдонга тушишдан бироз олдин Бернарду Силвани ҳиссиётлар чулғаб олди ва у ҳатто кўз ёшларини тия олмади. Тўққиз мавсум давомида кўплаб совринларни қўлга киритгандан сўнг клуб билан хайрлашиш инсонни бефарқ қолдирмаслиги табиий. Бернарду Силва бугун «Манчестер Сити» сафидаги 460-ўйинини ўтказмоқда.
