«Манчестер Сити» Англия Премьер-лигасининг сўнгги 38-турида ўз майдонида «Астон Вилла»га 1:2 ҳисобида имкониятни бой берди.

Мезбонлар сафида биринчи бўлимда Антуан Семеньо гол урган бўлса, иккинчи бўлимда «Астон Вилла» ҳужумчиси Олли Уоткинс дубль қайд этиб, жамоасига иродали ғалабани тақдим этди.

Ушбу учрашув «шаҳарликлар» учун Хосеп Гвардиола қўл остидаги сўнггиси бўлди. Аввалроқ мутахассис клубдаги 10 йиллик фаолиятидан сўнг кетгани эълон қилинган эди.

Мавсум якунларига кўра, «Манчестер Сити» 78 очко билан 2-ўринни эгаллади. «Астон Вилла» эса 65 очко билан 4-поғонада мавсумни якунлади. Иккала жамоа ҳам кейинги мавсумда Чемпионлар лигасида иштирок этади.

Англия Премьер-лигаси. 38-тур
24.05.2026 | 20:00 «Этихад», Манчестер
«МАНЧЕСТЕР СИТИ» — «АСТОН ВИЛЛА» — 1:2
Голлар: Антуан Семеньо 23 (1:0), Олли Уоткинс 47 (1:1), Олли Уоткинс 61 (1:2).
«Манчестер Сити»: Траффорд, Аке (Аит Нури, 77), Рубен Диаш, Стоунс (Гвардиол, 77), Льюис, Бернарду Силва (Ковачич, 59), Гонсалес, Савио, Семеньо (Шерки, 58), Рейндерс (Доку, 77), Фоден.
«Астон Вилла»: Бизот, Матсен, Мингс, Линделеф (Пау Торрес, 74), Гарсия (Кэш, 46), Дуглас Луис (Тилеманс, 74), Богард (Онана, 74), Буэндия, Баркли (Макгинн, 86), Бэйли, Уоткинс.
Огоҳлантириш: Льюис (82).