«Манчестер Юнайтед» бош мураббийи Майкл Кэррик АПЛнинг сўнгги турида «Брайтон» устидан қозонилган ғалабадан (3:0) сўнг ўз фикрларини билдирди. Эслатиб ўтамиз, манкунианликлар сўнгги 6 та ўйинда 5 та ғалаба ва 1 та дуранг қайд этишди.

«Биз мавсумни жуда кучли якунладик. Яхши ўйинлар сериясини ўтказдик, учинчи ўрин деярли кафолатланган эди, шунинг учун мавсумни шу руҳда давом эттириб, чиройли тарзда якунлаганимиз менга ёқди. Биз бу даврни мавсум якуни сифатида эмас, балки кейинги босқич сифатида қабул қилдик ва бугунги ўйин йигитларнинг учрашувга қай даражада жиддий ёндашганини яққол кўрсатиб берди.

Агар формада бўлмасангиз, «Брайтон» — энг қийин рақиблардан бири. Яхши кайфият, аъло даражадаги ўйин ва юқори сифат — хурсанд бўлиш учун сабабларимиз кўп эди.

Биз олдимизга юқори мақсадлар қўйгандик, бу ерда бошқача бўлиши ҳам мумкин эмас. Биз имкон қадар юқорироқ ўринни эгаллашни хоҳладик. Барқарорлик ва ўйин даражасида ўйинчиларнинг ҳиссаси катта. Бу кейинги мавсумда янада ривожланиш учун пойдевордир», — деди Кэррик.