«Ливерпуль» марказий ҳимоячиси Виржил ван Дейк якунига етган Англия чемпионатида ноёб натижа қайд этди. «Қизиллар» сардори мавсумнинг барча 38 та ўйинида тўлиқ, яъни алмаштирилмасдан ҳаракат қилди.

Squawka маълумотларига кўра, нидерландиялик футболчи Премьер-лиганинг бир мавсумида бирорта ҳам дақиқани ўтказиб юбормаган энг ёши катта футболчига (34 ёшу 320 кун) айланди. У бу борада «Челси»нинг собиқ ҳимоячиси ва сардори Жон Террининг 2014/15 йилги мавсумдаги рекордини янгилади.

Виржил ван Дейк нафақат барқарор ўйин намойиш этди, балки ҳужумда ҳам фаол бўлди: у 6 та гол билан АПЛ-2025/26 мавсумининг ҳимоячилар ўртасидаги энг яхши тўпурарига айланди. Арне Слот бошқарувидаги жамоа чемпионатни бешинчи ўринда якунлади.